अफगान सेनाको कारबाहीमा १० तालिवानी लडाकुको मृत्यु

२०७८असार,४शुक्रबार
काबुल । अफगान सेनाले गरेको कारबाहीमा राजधानी काबुल नजिक १० जना तालिवानी लडाकू मारिएका छन्। अफगान सेनाले कारबाहीमा ६ जना लडाकू घाइते भएको पुष्टि गरेको छ।
राजधानी काबुलबाट ३५ किलोमिटर पश्चिमको वार्डाक प्रान्तमा लुकेर बसेका तालिबानी लडाकूलाई लक्षित गरी बिहीबार बेलुका कारबाही गरिएको सेनाले जनाएको छ ।
सेनाले प्रकाशन गरेको विज्ञप्तिमा वार्डुक प्रान्तको निर्ख जिल्लामा भेला हुन थालेका तालिबानी लडाकूलाई लक्षित गरी सेनाले आक्रमण गरेको उल्लेख छ । गत मे महिनामा भिषण संघर्षपछि निर्ख र त्यसको छिमेकी जलरेज जिल्लालाई तालिबान समूहले नियन्त्रणमा लिएका थिए । तालिबान समूहले पछिल्लो भिडन्तका बारेमा केही बताएका छैनन् ।