डोटीमा पहिरोमा परी दुई बालबालिकाको मृत्यु

२०७८ असार,४शुक्रबार

डोटी । लगातार परिरहेको वर्षाका कारण डोटीमा पहिरोमा परेर दुई बालबालिकाको मुत्यु भएको छ । हिजो साँझ जिल्लाको दिपायल सिलगढी नगरपालिका–५ का ७ वर्षीय बालक बिनोद भण्डारी र ११ वर्षीय बालिका जेनिषा विष्टको मृत्युु भएको जिल्ला प्रहरी कार्यालय डोटीका प्रहरी प्रमुख दान बहादुर मल्लले बताउनु भएको छ ।
उनीहरुको दिपायल सिलगढी नगरपालिका–५ को चिसापानी भन्ने ठाउँमा पहिरोमा पुरिएर मृत्यु भएको हो । बाख्रा चराउन गएका उनीहरु पानी परेपछि ओत लाग्न ओडारमा बसेको बेला माथिबाट पहिरो खस्दा च्यापिएका थिए ।
च्यापिएको थाहाँ भएपछि नेपाल प्रहरी, स्थानियले पहिरो पन्छ्याउदा उनिहरुको शव फेला परेको हो । अस्ति मात्रै जिल्लाको केआई सिंह गाउपालिकाका एक ६५ वर्षीय पुरुषको पहिरोमा परि मृत्युभएको थियो ।