अमेरिकामा कोरोनाले मृत्यु हुनेको संख्या ४ लाख ५७ हजार

२०७७ माघ,२१ बुधबार
ऐजन्सी । अमेरिकामा कोरोनाले मृत्यु हुनेको संख्या ४ लाख ५७ हजार पुगेको छ । पछिल्लो २४ घण्टामा ३ हजार ६३२ सङ्क्रमितको मृत्यु भएसँगै अमेरिकामा कोरोनाले मृत्यु हुने सङ्क्रमितको संख्या ४ लाख ५७ हजार ८५६ पुगेको छ ।
यस्तै पछिल्लो २४ घण्टामा १ लाख १४ हजार ७०३ जनामा सङ्क्रमण पुष्टि भएको छ । यसअघि २७ मंसिरमा एकैदिन अहिले सम्मकै धेरै ३ लाख ८६ हजार ६५४ जनामा सङ्क्रमण भएको थियो । पछिल्लो वृद्धिसँगै अमेरिकामा सङ्क्रमितको संख्या २ करोड ७० लाख पुगेको छ । सङ्क्रमितमध्ये अहिलेसम्म १ करोड ६७ लाख जना सङ्क्रमणमुक्त भएका छन् । उपचार गराइरहेका ९८ लाख १९ हजार ६९ जनामध्ये २३ हजार ६७३ जनाको अवस्था गम्भीर रहेको वल्र्डमिटर्सले जनाएको छ ।