माओवादी केन्द्र सिमकोट गाउँपालिकाको तेस्रो अधिवेशन उद्घाटन
चैत २४,२०८१ आइतबार
हुम्ला । नेकपा माओवादी केन्द्र सिमकोट गाउँपालिकाको तेस्रो अधिवेशन उद्घाटन भएको छ । आइतबार सिमकोट तल्लोबजारमा रहेको मानसरवर बहुमुखी क्याम्पसमा अधिवेशनको उद्घाटन भएको हो ।
नेकपा माओवादी केन्द्र सिमकोट गाउँपालिका उपाध्यक्ष जंग बोहराका स्वागत मन्तव्यबाट सुरु भएको कार्यक्रममा गाउँपालिका स्तरीय तथा वडा स्तरीय कार्यकर्ता,नेकपा माओवादी केन्द्र निकट संगठनका जिम्मेवार पदाधिकारीहरुको सहभागिता रहेको थियो ।
माओवादी केन्द्रका केन्द्रिय सदस्य तथा सिमकोट गाउँपालिका अध्यक्ष विजय भण्डारीले नेकपा माओवादी केन्द्र सिमकोट गाउँपालिकाको तेस्रो अधिवेशनलाई सम्बोधन गर्दै, माओवादी केन्द्रको छ वटा गाउँपालिका अधिवेसन सम्पन्न भएको बाँकी सिमकोट र नाम्खा गाउँपालिका अधिवेशन हुन लागेको बताउनु भएको छ । नेकपा माओवादी केन्द्र गरिब,दुखी पिछडिएको वर्गको नेतृत्व गर्ने पार्टी भएको बताउनु भएको छ ।
नेकपा माओवादी केन्द्रका केन्द्रीय सदस्य विरजन शाहीले अहिले नेपालका दुई ठुला दल नेपाली कांग्रेस र नेकपा एमाले मिलेर सरकार संचालन गरेको सरकार निराशामा परिणत भएको बताउनु भएको छ । अहिलेको सरकार आफूले विश्वास गरेको तर कामकारबाही हेर्दा आफ्नो बुझाई गलत साबित भएको बताउनु भएको छ ।
अहिलेको अवस्था बदल्न नेकपा माओवादी केन्द्रको महत्त्वपूर्ण भुमिका रहेको बताउदै, कर्णाली प्रदेशका सभासद तथा पूर्व जलश्रोत तथा उर्जा मन्त्री रनसिंह परियाले भने माओवादीले संघर्ष,बलिदान र योगदान नगरेको भए, आज महिला राष्ट्रपति,सभामुख, मन्त्री, सांसद कोहि नेता बन्न नसक्ने बताउनु भएको छ ।
नेकपा माओवादी केन्द्र हुम्ला जिल्ला सचिव धर्मराज बोहरा विज्ञानले समाजवादको आधार तय गर्ने पार्टी नेकपा माओवादी केन्द्र भएको बताउनु भएको छ । नेकपा माओवादी केन्द्रको हिजोको राजतन्त्र,पञ्चायत फाल्न र गणतन्त्र ल्याउन महत्त्वपूर्ण भुमिका खेलेको पार्टी नेकपा माओवादी केन्द्र भएको बताउनु भएको छ ।
नेकपा माओवादी केन्द्र अहिले सहि ठाउँमा भएकोले आम जनताको मनमा बस्न सफल भएको बताउनु भएको छ । सञ्चालन नेकपा माओवादी केन्द्र सिमकोट गाउँपालिका सदस्य विनोदन विकले गर्नु भएको थियो ।सिमकोट गाउँपालि कमिटी चयनको लागि सोमबार विहान ११ बजे शुरु हुने छ ।
