सवारी दुर्घटनामा परी गाउँपालिका उपाध्यक्ष कार्कीको मृत्यु

फिल्को मिसन

भाद्र ४,२०८१
सुर्खेत । सवारी दुर्घटनामा परी हुम्लाका सर्केगाड गाउँपालिकाका उपाध्यक्षको मृत्यु भएको छ।
सुर्खेतबाट नेपालगन्ज जाँदै गर्दा गाडी दुर्घटनामा परी हुम्लाको सर्केगाड गाउँपालिकाका उपाध्यक्ष चन्द्रसिंह कार्कीको मृत्यु भएको हो। सुर्खेतबाट नेपालगन्ज जाँदै गरेको कर्णाली प्रदेश ०२००१ ख १०११ नम्बरको गाडी सुर्खेतको भेरीगंगा नगरपालिका वडा नम्बर–५ को एमाले मोडमा दुर्घटना हुँदा कार्कीको ज्यान गएको जिल्ला प्रहरी कार्यालय सुर्खेतले जनाएको छ।
मृत्यक कार्कीका आफन्तका अनुसार दुर्घटनामा गम्भीर घाइते कार्कीलाई उपचारका लागि नेपालगन्ज मेडिकल कलेज भेरी अस्पतालमा लगिएको थियो। उनको उपचारका क्रममा राति दुई बजे निधन भएको बताए ।
मृत्यक कार्की नेकपा माओवादी केन्द्रको तर्फबाट हुम्लाको सर्केगाड गाउँपालिकामा उपाध्यक्ष निर्वाचत भएका थिए।

प्रतिक्रिया दिनुहोस