तुँवालोले कुनै असर नपारेको भन्दै नाम्खा गाउँपालिका विद्यालय सञ्चालन
२०७७ चैत , १८ बुधार
सिमकोट । हुम्लाको उतरी नाम्खा गाउँपालिकाले सबै विद्यालयहरु नियमित सञ्चालन गरेको छ ।
सरकारले देशैभरीका विद्यालयहरु चार दिनका लागि बन्द गर्ने नियर्ण गरेता पनि बाक्लो तुँवालोले कुनै असर नपारेकाले भन्दै विद्यालय बन्द नगरेको नाम्खा गाउँपालिकाका अध्यक्ष विष्णुबहादुर लामाले बताए ।
मंगलबारदेखि शनिवारसम्म देशभरीका विद्यालय बन्द भए पनि हुम्लाको नाम्खा गाउँपालिकाका १६ विद्यालय सञ्चालनमा आएका छन् । गएको वर्ष कोरोनाका कारण राम्रोसँग पढाई नभएको र जेठ महिनाभित्र शैक्षिक सत्र समापन गर्नुपर्ने भएकाले पनि यस्तो चाप बढेको गाउँपालिकाका अध्यक्ष लामाले बताउनु भयो ।
प्रतिक्रिया दिनुहोस
