व्यवसायीको चरम अटेरी, मूल्य सूची बिना व्यवसाय सञ्चालन

२०७८ भाद्र,११ शुक्रबार

हुम्ला । व्यवसाय सञ्चालन प्रकृयाका बारेमा थाहा भए पनि अटेरीका कारण सिमकोट बजारमा मूल्य सूची बिना व्यवसाय सञ्चालन हुने गरेको पाईएको छ ।जिल्ला प्रशासन कार्यालय र उद्योग तथा घरेलु उपभोक्ता संरक्षण कार्यालयको संयुक्त टोलीले गरेको अनुगमनमा सिमकोट बजारमा रहेका अधिकांस व्यापारी-व्यवसायीले मूल्यसूची नराखी व्यवसाय सञ्चालन गर्दै आएको पाइएको छ । सहायक प्रमुख जिल्ला अधिकारी दशरथ राईले पसल ,अन्य खाद्यान्न स्टोरहरु र मासुपसलकोे अनुगमन गरिएकोे बताए । राईले अनुगमनका क्रममा केही पसलहरुमा मूल्यसूची राखेको पाइए पनि उपभोक्ताले नदेख्ने ठाउँमा राखेको पाइएको बताए । विगतको तुलनामा भने धेरै सुधार भएको तर उल्लेखनीय परिवर्तन भने नभएको उनको भनाइ छ । व्यवसायीले मूल्यसूची नराखेका कारण उपभोक्ताहरु ठगिँदै आएको हुनसक्ने उनी बताउँछन् । मूल्यसूची बिना व्यापार-व्यवसाय गर्दै आएका व्यवसायीलाई तत्काल राख्न सुझाव दिएको उनले बताए । शुक्रबार सिमकोट बजारको अनुगमन गर्ने क्रममा हुम्ला उद्योग बाणिज्य सघले दुई वर्ष अगाडी दिएको पुरानै मूल्य रहेको र बाणिज्य संघले नयाँ मुल्य सूचि नदिँदा व्यवसायीले आफ्नो अनुकलताको आधारमा विभिन्न दरमा सामन विक्री गर्ने गरेको उद्योग तथा घरेलु उपभोक्ता संरक्षण कार्यालयका प्रमुख धुर्ब कुमार बाठा मगरले जानकारी दिनुभयो