रुकुम पश्चिम जीप दुर्घटना ५ जनाको मृत्यु, गम्भीर ६ लाई हेलिकप्टर नेपालगन्जमा लगियो
जेठ ११ २०८०
रुकुम पश्चिम। रुकुम पश्चिमको सानीभेरी गाउँपालिका ५ मेलचौरबाट मुसिकोट जादै गरेको जीप वाफिकोट गाउँपालिका वडा नं ८ को मोतिखोलामा दुर्घटना हुँदा ५ जनाको मृत्युु भएको छ।
बिहीवार बिहान ७स्३० मा जिल्ला सदरमुकाम खलंगा जान लागेको लु १ ज १७४७ नम्बरको जीप सडकबाट करिब ४०० मिटर तल खसेर दुर्घटना भएको हो।
जिल्ला प्रशासन प्रमुख हरी प्रसाद पन्तका अनुसार ४ जना गम्भीर घाइतेहरुलाई हेलिकप्टर मार्फत बाँकेको कोहलपुरस्थित मेडिकल कलेजमा थप उपचारका लागि लगिएको छ।
यसैगरी ६ जना सामान्य अवस्थामा रहेकालाई जिल्ला अस्पताल सल्लेमा उपचार गरिदै छ। मृतकहरुको शव सदरमुकाम लगिदै छ। प्रारम्भिक जानकारी अनुसार ब्रेक फेल भएकोले दुर्घटना भएको पत्ता लागे पनि थप अनुसन्धान हुँदै छ।
प्रतिक्रिया दिनुहोस
