बोलेरो जीपको ठक्करबाट ५ वर्षीय बालकको मृत्यु

फागुन ५,२०७८
सिमकोट । हुम्लाको ताँजाकोट गाउँपालिकाको कवाडी बजारमा बोलेरो जीपले ठक्कर दिँदा एक जना बालकको घटनास्थलमै मृत्यु भएको छ ।
बुधबार बेलुका ताँजाकोट गाउँपालिकाको केन्द्र छप्रेलाबाट धुलाचौर हुदै बाजुरातर्फ जाँदै गरेको क प्र ०२००१ ब ००४५ नम्बरको बोलेरो जीपले ठक्कर दिँदा बालकको मृत्यु भएको हो ।
मृत्यु हुनेमा ताँजाकोट गाउँपालिका वडा नम्वर २ मैला गाउँका सुर्जविर लुवारका ५ वर्षीय छोरा मनिष लुवार रहेको जिल्ला प्रहरी कार्यालय हुम्लाका प्रहरी नायव उपरिक्षेक हेरम्व शर्माले बताए । बालकको गाडिले ठक्कर दिएपछि घटना स्थलमै मृत्यु भएको थियो ।
गाडी चालक कालीकोटको रास्कोट नगरपालिका–४ घर भएका २१ वर्षीय चेतन शाहीलाई नियन्त्रणमा लिएरको छ ।