हुम्लामा ३ हजार ४ सय नयाँ मतदाता थपिए

माघ १०गते २०७८
सिमकोट। हुम्लामा ३हजार ४सय ७६ बढी नयाँ मतदाता थपिएका छन् । जिल्ला निर्वाचन कार्यालय हुम्लाले अभियानस्वरूप जिल्लाको ६ वटा गाउँपालिकामा गरेको फोटोसहितको मतदाता नामावली संकलनमा ३ हजार ४ सय ७६ जना नयाँ मतदाता थपिएको जिल्ला निर्वाचन कार्यालय हुम्लाका निर्वाचन अधिकारी श्यामबहादुर राणाले जानकारी दिए ।
जिल्लाको ६ वटा गाउँपालिका ३ वटा सरकारी निकायले नयाँ मतदाताको विवरण संकलन गरिएको थियो । गत मंसिरमा सञ्चालन भएको विशेष मतदाता नामावली संकलनबाट ११.५७ प्रतिशत नयाँ मतदाता थपिएका छन ।
जिल्लाका ६ वटा गाउँपालिका, इलाका प्रशासन कार्यालय, जिल्ला प्रशासन कार्यालय र निर्वाचन कार्यालयमा मतदाताको विवरण संकलन जिल्ला निर्वाचन अधिकृत राणाका बताए । जिल्लामा मंसिर १७ गतेबाट गाउँपालिकास्तरमा मतदाता नामावली संकलन सुरु गरिएको थियो।
हुम्लामा गत कार्तिकमा प्रकाशित अन्तिम मतदाता नामावलीअनुसार जिल्लामा ३० हजार २२ जना मतदाता रहेको जिल्लामा अहिले नयाँ मतदातासहितको गरि कुल मतदाता संख्य ३३हजार ४ सय ८९जना निर्वाचन कार्यालय हुम्लाले जनाएको छ ।