आज देशभरका अदालत बन्द

माघ ९,२०७८ आइतबार
काठमाडौं । सर्वोच्च अदालतका पूर्वप्रधानन्यायाधीश मोहनप्रसाद शर्माको निधन भएपछि आज देशभरका अदालत बन्द भएका छन् । शर्माको निधनमा शोक मनाउन आज सर्वोच्च अदालतसहित उच्च अदालत, जिल्ला अदालत, विशेष अदालत एवं अन्य अदालत बन्द रहने सर्वोच्च अदालतले जनाएको छ । सोहीअनुसार सर्वोच्च अदालतसहित देशभरका उच्च अदालत, जिल्ला अदालत, विशेष अदालत एवं अन्य अदालत र न्यायाधीकरणहरु आज बन्द छन्। उहाँको शनिबार अन्त्येष्टि गरिएको थियो।
काठमाडौं कमलपोखरीमा वि.सं. १९९१ साल पुस १ गते जन्मिनुभएका पूर्व प्रधानन्यायाधीश शर्माले २०१६ सालदेखि सरकारी सेवामा अप्रिन्टिसको पदबाट सेवा प्रारम्भ गर्नुभएको थियो । उहाँ २०५४ चैत ३० मा प्रधानन्यायाधीश पदमा नियुक्त भई मिति २०५६ मङ्सीर ३० सम्म कार्यरत हुनुहुन्थ्यो ।
पूर्व प्रधानन्यायाधीश शर्माको ८८ वर्षको उमेरमा यही माघ ५ गते निधन भएको थियो। २०१६ सालमा सरकारी सेवामा प्रवेश गरेका शर्माले ०५४ चैतदेखि ०५६ मंसिर ३० गतेसम्म प्रधानन्यायाधीश भएर काम गरेका थिए।