एसईई परीक्षा बैशाख लागि तयारीमा जुट्न बोर्डको आग्रह

माघ ९,२०७८ अइबातर
काठमाडौं । यस वर्षको माध्यमिक शिक्षा परीक्षा एसईई आउँदो वैशाख महिनामा सञ्चालन हुने भएको छ ।
राष्ट्रिय परीक्षा बोर्डले एसईई परीक्षा बैशाखमा हुने पुष्टि गरेको हो ।

बोर्डका अध्यक्ष डा। महाश्रम शर्माले आगामी वैशाखको सुरुबाटै मा परीक्षा सञ्चालन हुने बताए । त्यसका लागि परीक्षा तालिका केही दिनमा सार्वजनिक गरिने उनले जानकारी दिए । उनले भने, “परीक्षाका विषयलाई लिएर दोधारको स्थितिमा रहनु पर्दैन, परीक्षा हुन्छ । विद्यार्थी अहिलेदेखि नै परीक्षाको तयारीमा जुट्दा हुन्छ ।” उनले वैशाख महिनामा परीक्षा सञ्चालन गरिए पनि कक्षा ११ को नयाँ शैक्षिक सत्रसम्बन्धी क्यालेन्डरमा कुनै असर नपर्ने गरी नतिजा प्रकाशन गरिने बताए ।

माघको पहिलो साता बितिसक्दा समेत एसईई परीक्षाको टुंगो नलाग्नु र व्यवस्थापिका संसद्अन्तर्गतको शिक्षा तथा स्वास्थ्य समितिले एसईई खारेज गर्नुपर्ने धारणा राख्दा विद्यार्थी, शिक्षक तथा अभिभावकहरु एसईई परीक्षा हुने वा नहुने भन्ने विषयमा तनावमा थिए ।