हावाहुरीले विद्यालयको छानो उडाउँदा लाखौको क्षति

पुस ४,२०७८ आइतवार
हुम्ला । गएरातीदेखि एक्कासि चलेको हावाहुरीले मानसरोवर बहमुखी क्याम्पसको जस्ताको छानो उडाएको छ ।
तिन कोठामा पूर्णरुपमा क्षति पुगेको र बाँकी कोठामा आंशिक क्षति पुगेको मानसरोवर बहमुखी क्याम्पस प्रमुख दीपक भण्डारीले बताए । उनले भवनको छानो उडाएपछि प्रहरी घटनास्थलमा पुगेर क्षतिको मुचुल्का पनि तयार पारेको बताए। हावाहुरीले छानो उडाएपछि ७ लाख बराबरको क्षति पुगेको प्रहरीको आँकलन छ। हावाहुरीबाट अन्य स्थानमा भएको क्षतिको विवरण आउनेक्रम जारी भएको जिल्ला प्रहरी श्रोते बताएको छ । क्याम्पसमा मानविकी, व्यवस्थापन र शिक्षा संकायको संचालनमा छ ।