कोरोना संक्रमणबाट हुम्लामा एक जनाको मृत्यु

२०७८,भदौ २, बुधबार
सिमकोट ।हुम्लामा कोरोना संक्रमणबाट बुधबार एक जना संक्रमितको मृत्यु भएको छ ।जिल्ला अस्पतालमा उपचाररत खार्पुनाथ गाउँपालिका वडा नम्बर तीन राया गाउँ निवासी ४५ वर्षिय सुर्जगिरी बुढाको बुधरबार साढे ३ बजे मृत्यु भएको हो । मृतक बुढाको अक्सिजनको लेबल ४६ मा पुगेको र निमोनियाले ग्रसित भएपछि आज मृत्युभएको जिल्ला स्वास्थ्य सेवा कार्यालयका सूचना अधिकारी भक्ति फडेराले जानकारी दिनुभयो । मृत्यक बुढा लाई गएको साउन ३०गते कोरोना संक्रमण पुष्टि भएको थियो । केहि दिनदेखि नै उनी अस्पताल भर्ना भएर उपचार गराउँदै आएका थिए ।केहिदिन अगाडी रानीवनमा रहेको आइशियूमा उपचारत रहेका मृतक बुढालाई स्वास्थ्य थप समस्या देखिएपछि मंगलबार जिल्ला अस्पतालको एडियुमा राखेर उपचार गर्दा निको नभएपछि आज मृत्युभएको सूचना अधिकारी फडेराले बताए । अहिले सम्म हुम्लामा कोरोना संक्रमणबाट मृत्यु हुनेको संख्या ५ पुगेको छ।