तीन लाख डोज एस्ट्रजेनका खोप भुटानबाट आइपुग्यो

२०७८ श्रावण,२२ शुक्रबार
काठमाडौं । भुटानले नेपाललाई अनुदानमा दिएको तीन लाख डोज एस्ट्रजेनका खोप नेपाल आइपुगेको छ। भुटानको राष्ट्रिय ध्वजाबाहक विमान डुक एयरबाट खोप आज विहान ९ः४०मिनेटमा त्रिभुवन अन्तर्राष्ट्रिय विमानस्थल आइपुगेको स्वास्थ्य सेवा विभागले बताएको छ। खोप अहिले टेकुमा भण्डारण गरिएको र प्राथमिकताका आधारमा ज्येष्ठ नागरिकलाई लगाइने विभागका महानिर्देशक प्राध्यापक आरपी विच्छाले जनाकारी दिइनु भएको छ । ७ लाख ८० हजार जनसंख्या रहेको भुटानले कोभ्याक्स सुविधा र विभिन्न मुलुकबाट अनुदानमा दिएको मात्रै गरी ९ लाख बढी डोज खोप प्राप्त गरेको थियो।भुटानले अनुदानमा उपलब्ध गराउने एस्ट्राजेनेका खोप कोभिसिल्डको पहिलो मात्रा लगाएका ज्येष्ठ नागरिकलाई लगाइने छ।