काँग्रेस शीर्ष नेताको बैठक आज बस्दै

२०७८ श्रावण,१४विहीबार
काठमाडौं । नेपाली कांग्रेसको पदाधिकारी बैठक आज पनि बस्दैछ । १४औं महाधिवेशन लक्षित बैठक आज दिउँसो २ बजे सभापति शेरबहादुर देउवा निवास बूढानीलकण्ठमा बस्ने बैठक महाधिवेशनको विषयमा केन्द्रित रहनेछ ।
आजको बैठकमा क्रियाशील सदस्यता छानविन समितिले बुझाएको प्रतिवेदनमाथि छलफल हुने पार्टी प्रवक्ता विश्वप्रकाशले बताए ।
मंगलबार पार्टी सभापति शेरबहादुर देउवासमक्ष पेश गरेको प्रतिवेदनमा अझै केही मिलाउन सकिने विषय रहेकाले त्यसलाई मिलाउन भन्दै समितिलाई आज दिउँसो सम्मको समय उपलव्ध गराइएको थियो
यसअघि हिजो पनि देउवा निवास बुढानीलकण्ठमा करिब ४ घन्टा छलफल चलेको थियो । बैठकमा विशेष महाधिवेशनको विषयसमेत उठेको छ । नेपाली कांग्रेसमा क्रियाशील सदस्यता विवाद कायमै रहेको छ । उक्त विवाद टुंगो लगाउन बुधबारको बैठकमा पनि लामो प्रयास भएको थियो । नेपाली कांग्रेसको १४औं महाधिवेशन भदौ १४ गते तोकिएको छ । तर त्यो मितिमा महाधिवेशन सम्पन्न हुने सम्भावना भने न्यून बन्दै गएको छ ।