२४ घन्टामा ८,८४८ जना संक्रमणमुक्त,१२९ जनाको मृत्यु

२०७८जेठ ,८गते शनिबार
काठमाण्डौं । पछिल्लो २४ घण्टामा ८ हजार ८ सय ४८ जना कोरोना भाइरस सङ्क्रमणमुक्त भएका छन् । स्वास्थ्य तथा जनसंख्या मन्त्रालयले सार्वजनिक गरेको विवरण अनुसार यो संख्या एकै दिन सङ्क्रमणमुक्त हुने अहिले सम्मकै धेरै संख्या हो । यसअघि हिजो ७ हजार ८ सय ९० जना निको भएका थिए । मन्त्रालयका अनुसार पछिल्लो २४ घण्टामा ८ हजार ९ सय ८० जनामा कोरोना भाइरस सङ्क्रमण पुष्टि भएको छ । १९ हजार ३५७ पीसीआर परीक्षणमा ८ हजार ५ सय ९१ जना र ७४८ एन्टिजेन परीक्षणमा ३८९ जनामा सङ्क्रमण पुष्टि भएको हो । त्यस्तै पछिल्लो २४ घण्टामा कोरोना भाइरस सङ्ंक्रमणबाट १२९ जनाको मृत्यु भएको छ ।मन्त्रालयका अनुसार हाल देशभर सक्रिय संक्रमित १ लाख १५ हजार ८०६ जना रहेका छन् भने संक्रमण निको हुने दर ७५.८ प्रतिशत रहेको छ ।हालसम्म कोरोना संक्रमितको कुल संख्या ५ लाख ५ हजार ६४३ पुगेको छ भने निको हुने संख्या ३ लाख ८३ हजार ६८४ पुगेको छ ।